ສິນຄ້າຂອງພວກເຮົາ

ທຸກສິນຄ້າແມ່ນພວກເຮົາສົ່ງເສີມໃຫ້ຊຸມຊົນເປັນຄົນຜະລິດ ໂດຍທີ່ຊຸມຊົນຈະໄດ້ມີທ່າແຮງດ້ານຄວາມຮູ້ ແລະ ຄວາມຊຳນານ, ນອກຈາກນັ້ນພວກເຮົາໄດ້ຝຶກເຕັກນິກວິຊາການຕ່າງໆໃຫ້ອີກດ້ວຍ.

ຫັດຖະກຳຜ້າຝ້າຍ

ຫັດຖະກຳຜ້າຝ້າຍ ແມ່ນການຜະລິດຜ້າທີ່ເຮັດດ້ວຍມືໂດຍໃຊ້ໃຍຝ້າຍເປັນວັດຖຸດິບຫຼັກ ໃນການປັ່ນ ແລະ ທໍເພື່ອຜະລິດເປັນຜ້າ. ການຜະລິດແບບນີ້ເປັນສ່ວນໜຶ່ງຂອງວັດທະນະທຳ ແລະ ວິຖີຊີວິດຂອງຊຸມຊົນຊົນນະບົດລາວມາຕັ້ງແຕ່ບູຮານ.

ຫັດຖະກຳຈັກສານ

ຫັດຖະກຳຈັກສານ ແມ່ນການນຳເອົາວັດຖຸທຳມະຊາດຕ່າງໆ ເຊັ່ນ ໄມ້ໄຜ່, ຫຍ້າກວ້າງ, ຫຍ້າຕົ້ນກ່າ ຫຼື ໃບຕານມາຕາກໃຫ້ແຫ້ງ ແລ້ວນຳມາຈັກສານເປັນຂອງໃຊ້ຂອງຕົວເອງ ຫຼື ຂາຍເພື່ອສ້າງລາຍຮັບ, ສະທ້ອນໃຫ້ເຫັນຄວາມຮູ້, ຄວາມອົດທົນ ແລະ ປັນຍາທ້ອງຖິ່ນຂອງຊາວບ້ານລາວ.